Otsailak 11, Emakume eta Neska Zientzialarien Nazioarteko Eguna

Zientziaren historian izan diren zientzialari eta pentsalari handienen bizitzak eta lorpenak haur eta gazteei gerturatzea du helburu Ikaselkar hezkuntza-argitaletxearen Zientzialariak bildumak.

Itzal handiko izenak aurki ditzakegu azken urteotan argitara emandako komiki-bilduman, eta Emakume eta Neska Zientzialarien Nazioarteko Egunaren harira, emakume zientzialarien lana agerian jarri nahi du Ikaselkarrek, haur eta gazteek, bereziki neskek, emakume zientzialarien erreferenteak izan ditzaten. Hori dela eta, lau emakume zientzialariren komiki gomendioak bildu ditugu:

• Hipatia. Egia matematikan.
• Ada Lovelace. Zenbakien liluratzailea.
• Mary Anning. Herensuge-ehiztaria.
• Marie Curie. Radioaren aktibitatea

Helburu bikoitza du Zientzialariak egitasmoak: batetik, haur eta gazteen artean irakurzaletasuna sustatzea eta, horri lotuta, euskaraz irakurtzeko ohitura zabaltzea eta, bestetik, haurrak eta gazteak zientziara gerturatzea, historian zehar izan diren zientzialari eta pentsalari handien biografiak eta lorpenak modu atseginean eta entretenigarrian kontatuz.

Zientzialariak bilduma

Jordi Bayarri egile eta marrazkilariak sortu ditu bildumako komikiak, eta Maialen Berasategik itzuli ditu euskarara. Hauexek dira bilduma osatzen duten aleak:

• Ada Lovelace. Zenbakien liluratzailea.
• Aristoteles. Jakiteko irrika.
• Darwin. Teoriaren eboluzioa.
• Galileo. Izarren mezularia.
• Hipatia. Egia matematikan.
• Marie Curie. Radioaren aktibitatea.
• Mary Anning. Herensuge-ehiztaria.
• Newton. Grabitatea ekinean.
• Pasteur. Mikrobioen iraultza.