Ada Lovelacen ibilbidea eta ekarpena komikian

"Ada Lovelace, zenbakien liluratzailea" komikia argitaratu berri du Ikaselkarrek. Liburuak matematikariaren bizitza eta informatikaren alorrean zientziari egindako ekarpena haur eta gazteei gerturatzea du helburu. Ikaselkarrek “Zientzialariak” bildumaren baitan argitaratzen duen zazpigarren titulua da. 

Helburu bikoitza du egitasmoak: batetik, haur eta gazteen artean irakurzaletasuna sustatzea eta, horri lotuta, euskaraz irakurtzeko ohitura zabaltzea eta, bestetik, haurrak eta gazteak zientziara gerturatzea, historian zehar izan diren zientzialari eta pentsalari handien biografiak eta lorpenak modu atseginean eta entretenigarrian kontatuz.

Jordi Bayarri egile eta marrazkilariak sortu du komikia. Maialen Berasategik itzuli du euskarara.

Ada Lovelace
Ada umetatik izan zen jakin-min handikoa, pentsa, txiki-txikitan hegan egiteko makinak ere asmatzen zituen eta. Bera hazi ahala hasi zen bere matematikarekiko interesa ere, eta horrelaxe erne zitzaion Charles Babbage sortzen ari zen makinarekiko jakin-mina. Izan ere, Adak haseratik jakin zuen trepeta hark sortzaileak berak imagina zitzakeen baina askoz gauza gehiago egin zitzakeela.

Bere matematika ezagutzei eta adimen sortzaileari esker, Adak algoritmo bat idatzi zuen, Babbageren makina analitikoak pertsonen inolako parte-hartzerik gabe kalkuluak egin zitzan. Askorentzat historiako lehen programa informatikoa izan zen formula matematikoa, hain zuzen.

"Zientzialariak" bilduma
Zientziaren historian itzal handiko izenak aurki ditzakegu azken urteotan argitara emandako “Zientzialariak” bilduman. Hauexek dira bilduma osatzen duten tituluak:

- Marie Curie. Radioaren aktibitatea.
- Newton. Grabitatea ekinean.
- Galileo. Izarren mezularia.
- Darwin. Teoriaren eboluzioa.
- Aristoteles. Jakiteko irrika.
- Hipatia. Egia matematikan.
- Ada Lovelace. Zenbakien liluratzailea.

• "Ada Lovelace: dena kalkulatua zuen matematikaria". Zientzia Kaiera.