KUKU! eta Kimu bildumak, Liburuaren Eguna ospatzeko

KUKU! emozio-bilduma (2 urtetik aurrera) 

Bi urtetik aurrerako haurrei zuzendutako bilduma da; emozioak ezagutzen, kudeatzen eta adierazten laguntzeko HHko KUKU! proiekturako berariaz sortua. 

Bildumaren baitan, besteak beste, haurrekin oinarrizko emozioak lantzeko album ilustratuak aurkituko dituzu. Poza, beldurra, haserrea, tristura, nazka eta sorpresa dira lantzen diren sei emozioak. Emozio bakoitzeko album ilustratu bat proposatzen du bildumak, beraz, sei ipuin, sei istorio:

• Haserrea, Iñigo Astiz – Leire Salaberria
• Sorpresa!, Agurtzane Ortiz – Enrique Morente
• Irrimola, Maite Mutuberria (Euskadi Literatura Saria 2022)
• Putz egin eta ikusiko duzu, Karmele Jaio – Mikel Casal
• Nazkatasuna, Peru Magdalena – Mikel Valverde
• Tristura, Joseba Sarrionandia – Irrimarra

KIMU bilduma (5 urtetik aurrera):

Hitzarekin jolas egiteko helburuarekin, irakurtzen eta idazten ikasten ari diren 5 urtetik aurrerako umeei zuzendutako liburu bilduma da Kimu. 

Literatur lanak oinarri hartuta, testuen zein marrazkien irakurketaren bidez, ahozkotasuna lantzeko tresna ere izan nahi dute Kimu bildumako liburuek. Horretarako, sormen lan ezberdinak aurkituko dituzu, anitzak eta askotarikoak:

• Nire gorputzean bizi naiz, Juan Kruz Igerabide – Ainara Azpiazu Axpi
• Badauzkat nire zulotxoan…, Alaine Agirre – Irrimarra
• Galdu dena azaldu dadila!, Garazi Kamio – Julen Ribas
• Loinatzen loa, Castillo Suarez – Mikel Antero
• Familia xelebrea, Anjel Lertxundi – Jokin Mitxelena
• Letren jolaslekuan, Yolanda Arrieta – Eider Eibar
• Hanka, moko eta buztan. Animaliekin dantzan, Xabier Olaso – Sandra Garayoa
• Itsas haizea dabil, Junkal Lertxundi – Asier Iturralde Gaston
• Tik, bakarrik. Tak, ikarak, Patxi Zubizarreta – Maite Gurrutxaga
• Itzal itzela, Leire Bilbao – Yolanda Mosquera
• Zarata do maiorrean biolin eta pianorako, Iban Barrenetxea
• Jakelinen egunerokoa, Nerea Ibarzabal – Higinia Garay