Lan-eskaintza: Bagoaz kultur-proiekturako kudeatzailea

Ikaselkar hezkuntza-argitaletxeak Bagoaz kultur-proiekturako kudeatzailea kontratatu behar du; egitasmoak euskararen eta euskal kulturaren transmisioa du helburu.

Egitekoak

Bagoaz proiektua garatzea, zabaltzea eta ekonomikoki bideragarri egitea:

· Proiektua gidatzea: estrategia orokorraren baitan urteko kudeaketa plana osatzea eta garatzea. 

· Aurrekontua eta lantaldea kudeatzea.

· Proiektura eragile berriak gehitzea.

· Proiektuaren sozializazio estrategia eraikitzea.

· Finantziazio bideak lantzea.

Lan eremua: Euskal Herria.

Lan modua: zuzendaritzaren jarraipen eta gidaritzapean arituko da; era berean, autonomiaz eta arduraz lan egiteko gaitasuna behar du, baita beste erakunde eta pertsonekin elkarlanean aritzekoa ere.

Baldintzak

Formazioa

· Unibertsitate titulua (Gradua, Lizentziatura edo Diplomatura); besteak beste, marketinarekin, komunikazioarekin, enpresa nahiz kultur kudeaketarekin, soziologiarekin edota hezkuntzarekin zerikusia izatea baloratuko da. 

· Euskara C1 ziurtagiria (baloratuko da C2a).

· Euskal kultur transmisioan formazioa izatea aintzat hartuko da (ikastaroak, graduondokoak).

Baloratuko den esperientzia

· Proiektuen kudeaketan, marketinean edota komunikazioan aritu izana.

· Euskalgintzan eta kulturgintzan izandako eskarmentu profesionala.

· Komunitatearekin eta gazteekin lan egiten esperientzia (adibidez: irakaskuntza, kultur ekitaldiak, irakurketa klubak, gazte-elkarteak, tailerrak, etab.).

Gaitasun profesionalak

· Proiektuen kudeaketa: proiektuak koordinatu eta aurrera eramateko gaitasuna, aurrekontuak eta lantaldeak kudeatuz eta helburuak betez.

· Marketin eta komunikazioa: estrategiak sortu eta gauzatzeko gaitasuna.

· Harremanak eta sarea: euskal kultura eta euskalgintzako eragileekin, eragile publikoekin, komunikabideekin eta hezkuntza-eremuarekin harremana edo horretarako abilezia izatea. 

Gaitasun pertsonalak

· Lidergoa: taldeak eta proiektuak gidatzeko trebetasuna.

· Sormena: ekimen berriak sortzeko eta proiektuak modu berritzaileetan aurrera eramateko gaitasuna.

· Moldagarritasuna: aldaketetara egokitzeko eta erronka berriei aurre egiteko prestutasuna.

· Komunikazioa: ideiak argi adierazteko gaitasuna, ahoz nahiz idatziz.

· Harremanak: eragile ezberdinekin harremanak eraiki, indartu eta lankidetza proiektuak bultzatzeko gaitasuna.

· Konpromisoa: euskararekin eta euskal kulturarekin engaiamendua.

 Bidali CVa: julen@ikaselkar.eus

Curriculumak jasotzeko epea: apirilaren 7ra arte.