2. Komunikazioa · DigComp
2.1. Teknologien bidez interakzioan jardutea
Askotariko gailu eta aplikazio digitalen bidez interakzioan jardutea; komunikazio digitala nola banatzen, aurkezten eta kudeatzen den ulertzea; bitarteko digitalen bidezko komunikazio moten erabilera egokia ulertzea; komunikazio-formatu desberdinak kontuan hartzea; komunikazio-estrategiak eta motak berariazko hartzaileei egokitzea.
2.2. Informazioak eta edukiak partekatzea
Aurkitutako informazioaren eta edukien kokapena partekatzea; ezagutza, edukiak eta baliabideak partekatzeko prest egotea eta gai izatea; bitartekari gisa jardutea; albisteen, edukien eta baliabideen hedapenean proaktiboa izatea; aipamenak eta erreferentziak egiteko jardunbideak ezagutzea, eta informazio berria sartzea dagoeneko ezagunak diren edukietan.
2.3. Herritarren online parte-hartzea
Gizartean inplikatzea, online partaidetzaren bidez; ahalduntze pertsonalerako eta norberaren garapenerako aukera teknologikoak bilatzea, teknologiari eta ingurune digitalei dagokienez; teknologiek herritarren parte-hartzerako duten potentzialaz ohartzea.
2.4. Kanal digitalen bidezko lankidetza
Taldean lan egiteko, lankidetza-prozesuetarako eta baliabideak, ezagutzak eta edukiak batera sortzeko eta eraikitzeko teknologiak eta bitartekoak erabiltzea.
2.5. Netiketa
Online interakzioetako edo interakzio birtualetako portaera-arauak ezagutzea; kultura-aniztasunarekiko kontzientziatuta egotea; neure burua eta besteak online arriskuez babesteko gai izatea (ziberjazarpena kasu); portaera desegokiak identifikatzeko estrategia aktiboak garatzea.
2.6. Nortasun digitalaren kudeaketa
Nortasun digitala sortzea, egokitzea eta kudeatzea; norbere izen on digitala babesteko eta erabilitako kontu eta aplikazio askotarikoen bidez sortutako datuak kudeatzeko gai izatea.
