Material osagarriak

Urtaroak. Lau liburuk osatzen dute saila. Liburu bakoitzean urtaro bat lantzen da; urtaro bakoitzean gaiarekin lotutako irakurgaiak datoz, irudiak, jarduerak eta ariketak. Helburua: ikastea eta ongi pasatzea. Edo ikasiz ondo pasatzea. Liburu hauetan urtaro bakoitzaren inguruko olerkiak datoz, igarkizunak, ipuinak, errezetak eta plastikako jarduerak, pausoz pauso lantzen direnak; argazki argigarriz hornituak daude, azalpenen lagungarri; jolasak ere badaude, eta hainbat informaziofitxa. Eranskinetan, haurrek moztu eta itsatsi beharreko irudiak eta argazkiak eskaintzen dira. Irudiek garrantzi handia dute liburu honetan; marrazkiek eta argazki ugariek liburu ikusgarri bezain erakargarri egiten dute. Lehen Hezkuntzako haurrentzako materiala da, etxean nahiz eskolan erabil daitekeena, material osagarri gisa

Urrezko giltza, Patxi Zubizarreta Jokin Mitxelena (Ilustratzailea): Hona hemen familia bitxi baten istorioa: Olatz ile-apaintzailea, Martin kamioizalea, Kattalin, Nikolas eta Malen haurrak, Tomas aitona nekazaria eta Ageda amona bidaiazalea, eta baita ile-apaindegira joaten diren Gaspar lorezain pobrea eta Maddi musika irakaslea. Hona hemen, urte osoan luzatzen den istorio bihurri honetan txertatuak, 25 ipuin, 25 kantu eta 25 jolas formula inguru –bi diskotan ahots eta ahots bihurturik– ikasgelan nahiz etxean modu jostarienean ezagutzeko eta tradizioarekin jolasteko.